COMEZA UN NOVO CURSO
"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017 con destino ás bibliotecas escolares dos centros educativos galegos. Nesta ocasión foi MINIA REGOS a creadora convidada a interpretar o lema anual. A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar. |
|
MOSTRÁMOSLLES A BIBLIOTECA AOS MÁIS NOVOS
|
CONSULTA OS FONDOS DA BIBLIOTECA |
|
Damos a benvida ao alumnado de 1º ESO. Como todos os inicios de curso, cada aula acoda á biblioteca para coñecer o seu funcionamento. Grazas a titores e titoras por axudar neste labor.
|
O horario de recepción foi exposto á entrada da biblioteca:
O xoves 6 de outubro, a aula de 1º ESO -B- foi recibida por Antonio Seoane. O martes 11 de outubro foi acollido o alumnado de 1º ESO -A- O xoves 13 de outubro, a aula de 1º ESO -C- foi recibida por Mabel Prada. |
Agora podes acceder ó catálogo e saber se temos ou non o libro que estás a buscar. Preme aquí e entrarás no noso espazo do Proxecto Meiga.
|
|
A aula de 1º ESO -C- na súa primeira visita á Biblioteca:
|
Bibliotecas dixitais |
SEMANA DAS BIBLIOTECAS
Coincidindo coa celebración do Día das Bibliotecas, deseñamos dous tipos de actividades destinadas a incentivar a lectura e o coñecemento tanto da nosa biblioteca como das bibliotecas da cidade.
“Visitas guiadas a outras bibliotecas”
“Lectura na hora de titoría na nosa biblioteca”
“Visitas guiadas a outras bibliotecas”
“Lectura na hora de titoría na nosa biblioteca”
VISITAS A OUTRAS BIBLIOTECAS:
Luns, 24 de outubro
Visitamos a BIBLIOTECA FONSECA co alumando de 2º ESO. A Hemeroteca cos seus microfilmes e a Biblioteca América, que é museo á vez que biblioteca especializada en asuntos americanos, foron os espazos que máis asombraron aos rapaces. Tamén o magnífico facsimil do libro de oración do século XI (o máis antigo da biblioteca).
Luns, 24 de outubro
Visitamos a BIBLIOTECA FONSECA co alumando de 2º ESO. A Hemeroteca cos seus microfilmes e a Biblioteca América, que é museo á vez que biblioteca especializada en asuntos americanos, foron os espazos que máis asombraron aos rapaces. Tamén o magnífico facsimil do libro de oración do século XI (o máis antigo da biblioteca).
Visitamos a BIBLIOTECA da FACULTADE DE HISTORIA co alumnado de 4º ESO. Visita marabillosa, tanto pola propia biblioteca como polo Paraninfo e as vistas desde a azotea.
Co alumnado que cursa ETFiD (Étca e Filosofía do Dereito) de 2º BACH, visitamos a moderna e concurrida BIBLIOTECA CONCEPCIÓN ARENAL . A parte de coñecer o seu funcionamento (moi necesario para os vindeiros anos), fomos testemuñas da precariedade en que está o ensino e a cultura (caldeiros colgados do teito para evitar as goteiras, sala de ordenadores que xa non existe...)
O mércores 26 de outubro, un grupo de rapazas e rapaces de distintos niveis da ESO, foron visitar a BIBLIOTECA ÁNXEL CASAL. Alí, ademais de admirar o deseño moderno do edificio, fixemos un percorrido polos andares e mostráronnos a organización e disposición dos fondos.
|
Lectura na biblioteca na hora de titoría:
En coordinación coas títoras e titores das aulas de ESO, os doce grupos pasaron pola biblioteca. Esta actividade consistiu en ler diversos textos e atopar un premio. A lectura previa dos textos era necesaria para responder unhas cuestións que levaban a unha clave. Esa clave era a signatura dun libro. Os rapaces e rapazas tiñan que recorrer aos seus coñecementos da organización da biblioteca para atopar o libro porque dentro dese libro había un premio. Os textos lidos e as preguntas pódense descargar á dereita desta páxina. As lecturas son: 1º ESO: MARÍA (de Neira Vilas), REDACCIÓN (de Quim Monzó), BARBIE GIRL (de Carlos Negro), Lección inaugural (de Raúl Vacas), Bruxas não existem (de Moacyr Scliar) 2º ESO: A RAPAZA DO CIRCO (de Carlos Casares), EL PERRO (de Domingo López Humanes), La mosca juzga a Miss Universo (de JOSÉ EMILIO PACHECO), Bruxas não existem (de Moacyr Scliar), Thoughts (by Harriett P.) 3º ESO: O SUSO (de Xosé Luis Méndez Ferrín), Exilio (de Edmond Hamilton), Comería a túa alma (de Estíbaliz Espinosa), ORACIÓN DE UN DESOCUPADO (Juan Gelman, Argentina). 4º ESO: O XOGO DA GUERRA (de Carlos Casares), LOS OJOS DE CELINA (de Bernardo Kordon), O BARDO USA O SEU PUÑO DE FERRO (de CARLOS NEGRO), Adolescente (de Wislawa Szymborska), Bruxas não existem (de Moacyr Scliar). |
| ||||||||
CELEBRACIÓN DO SAMAÍN
Coa mascota "Cheodevida", deseñada e elaborada polo Departamento de Plástica, dando a benvida aos que se atrevían a entrar, comezamos a celebración do Samaín. Como inxenuos cordeiriños que non saben que lles agarda, o alumnado de 1º ESO A e B foi guiado pouco a pouco ata o curral da Aula Magna. E de súpeto ese curral converteuse ...no Inferno!
Nese inferno un ser demoníaco -axudado por alumnas e alumnos de 2º ESO-, obrigou a todos a escoitar historias de medo, poemas que falan do medo (incluso en portugués!), curtametraxes tan estremecedoras coma "Fiz, o coleccionista de medos" (!) e obrigou aos rapaces e rapazas a escribir sobre os seus propios medos. Velaquí tedes a presentación da actividade (os enlaces as curtas están rotos, pero pódense atopar na Rede).
Nese inferno un ser demoníaco -axudado por alumnas e alumnos de 2º ESO-, obrigou a todos a escoitar historias de medo, poemas que falan do medo (incluso en portugués!), curtametraxes tan estremecedoras coma "Fiz, o coleccionista de medos" (!) e obrigou aos rapaces e rapazas a escribir sobre os seus propios medos. Velaquí tedes a presentación da actividade (os enlaces as curtas están rotos, pero pódense atopar na Rede).
Tamén podedes botar un vistazo a estas imaxes:
Para que a mascota "Cheodevida" non caese na melancolía que provoca a soidade, Natalia e Vicente, os profesores do Depatamento de Plástica, moveron ao alumnado para que creasen uns monstruos-colegas. E tiveron a idea de que os creasen seguindo a técnica surrealista dos "cadáveres exquisitos". Velaquí o resultado (a mascota "Cheodevida" deu un chimpo , reviviu):
